ڤلۆدیمیر زێلێنسکی سەرۆکی ئۆکرانیا ڕۆژی سێشەممە ڕایگەیاند، لە ئەنجامی هێرشێکی ڕووسیا بۆ سەر باڵەخانەیەکی حکومەتی هەرێمی لە شاری ماکۆلەیڤ لە باشووری ئۆکرانیا، بەلایەنی کەمەوە حەوت کەس کوژران و 22 کەسیش برینداربوون.
زێلێنسکی لە پەیامێکی ڤیدیۆییدا بۆ پەرلەمانی دانیمارک ڕایگەیاند " هەتا ئەوەی ئێمە ئاگامان لێیە حەوت کەس کوژراون و 22 کەسیش بریندار بوون و خەڵکیش تا ئێستا لەژێر باڵەخانە ڕووخاوەکان دێنە دەرەوە."
سەرۆکی ئۆکرانیا ڕۆژی سێشەممە لە وتارێکی ڤیدیۆییدا بۆ پەرلەمانی دانیمارک ڕایگەیاند گەمارۆدانی مەریۆپال لەلایەن ڕووسیاوە دەکەوێتە خانەی " تاوانی دژ بە مرۆڤایەتی."
زێلێنسکی گوتی " ئەوی هێزەکانی ڕووسیا لە مەریۆپال دەیکەن تاوانی دژ بە مرۆڤایەتییە، کە لەبەرچاوی هەمو جیهان لە ڕاستیدا ڕوودەدات."