سەرۆک دانۆڵد ترامپ ڕۆژی شەممە بڕیارێکی دا بۆ درێژکردنەوەی ماوەی هاوکاری بێکاران بۆ ئەو دەیان ملیۆن ئەمەریکاییەی لە میانەی بڵاوبوونەوەی پەتای کۆرۆنا کارەکانیان لەدەستداوە و هەروەها بۆ دووا خستنی باج، ئەمەش پاش ئەوەی وتووێژەکان لەگەڵ کۆنگرێس بۆ پاکێجێکی هاوکاری ئابوری شکستی هێنا.
سەرۆکی ئەمەریکا دانۆڵد ترامپ ڕۆژی هەینی ڕایگەیاند ئامادەیە بڕیارێکی سەرۆکایەتی بدات پاش ئەوەی یاسادانەران نەیانتوانی بگەن بە ڕێککەوتنێک لەسەر بەرنامەی هاوکاری بۆ دەیان ملیۆن ئەمەریکایی کە کارەکانیان لە ئەنجامی بڵاوبوونەوەی پەتای کۆرۆنا لەدەستداوە.
بەڕێوبەرایەتییەکەی سەرۆک ترامپ زیاتر لە 35 ملیۆن دۆلاری تەرخانکردووە لە ڕێی وەزارەتی دادی ئەمریکاوە بۆ ئەو ڕێکخراوانەی شوێنی نیشتەجێبوون دابین دەکەن بۆ ڕزگاربوون لە بازرگانیکردن بە مرۆڤەوە.
مارک ئیسپەر، وەزیری بەرگری ئەمریکا ناردنی یەک هەزار سەربازی زیاتری ئەمریکایی بە نۆرە بۆ پۆڵەندا ڕادەگەیەنێت.
سەرۆکی کارمەندانی کۆشکی سپی مارک مێدۆس ڕۆژی یەکشەممە گوتی وڵاتە یەکگرتووەکانی ئەمەریکا لە 3 ی مانگی 11 هەڵبژاردن ئەنجام دەدات. ئەو گوتیشی کاتێک سەرۆک دانۆڵد ترامپ ئاماژەی بە بیرۆکەی دوواخستنی هەڵبژاردن کرد ئەو تەنها نیگەرانی لەمەڕ دەنگدان بە ڕێگای پۆستە دەربڕی.
گوتەبێژێکی کۆنگرەی نیشتمانی پارتی کۆماری دەڵێت دەنگدان بۆ دووبارە هەڵبژاردنەوەی سەرۆک ترامپ وەک کاندیدی کۆمارییەکان لە هەڵبژاردنەکاندا، بە شێوەیەکی تایبەت دەبێت بەبێ ئامادەبوونی ڕۆژنامەوانان، بەهۆی ڤایرۆسی کۆرۆناوە.
دوو ئەندامی بەناوبانگی کۆنگرێسی ئەمەریکا هۆشدارییەکی توندیان داوە بە چین لە وەڵامی فرمانێک بە پێی یاسای نوێی ئاسایشی نیشتمانی هۆنگ کۆنگ بۆ دەستگیرکردنی شەش چالاکوانی دیموکراسیخواز، کە یەکێک لەوانە ئەمەریکاییە.
سەرۆک دانۆڵد ترامپ دەڵێت هەوڵ دەدات کارەکانی تۆڕی تیک تۆک لە ئەمەریکا قەدەغە بکات.
لە کاتێکدا ژمارەی توشبوون بە کۆڤد19 و مردن بەهۆی پەتاکە لە ئەمەریکا بەردەوام لە زیادبووندایە، سێ کاربەدەستی باڵای تەندروستی گشتی وڵات ڕۆژی هەینی لەبەردەم کۆمیتەیەکی ئەنجومەنی نوێنەران بۆ لێکۆڵینەوە لە شێوازی مامەڵەکردنی کۆشکی سپی لەگەڵ پەتاکە، گەواهی دەدەن.
بەرپرسانی ئەمەریکا دەڵێن ئەو ئەمەریکاییانەی باس لە بەدەستگەیشتنی بەستەی پۆستی دەکەن و تۆویان لە نێودایە کە گوایە لە چینەوە نێردراون، دەڵین پێدەچیت ئەو ئەمەریکاییانە قوربانی دەستی کڕینی کەرەستە بە ئۆنلاین بن ئەوەی کە بە ساختەکاری دەناسرێت.
گەورەترین و هەرە پێشکەوتووترین کەشتی ئاسمانی کە هەتا ئێستا دروستکرابیت و قەبارەکەی هێندەی ئوتومبیلێک دەبێت ، رۆژی پێنجشەممە بەرەو مەریخ ( بارام ) هەڵدرا.
سەرۆک ترامپ دەڵێت زیادکردنی دەنگدان لەڕێی دامەزراوەی پۆستەوە، دەبێتە مایەی فێڵ و تەڵەکەکردن لە هەڵبژاردندا.
زیاتر نیشـان بده
