ئەڵمانیا دەڵێت سیستمی بەرگری ئاسمانی دەدات بە ئۆکرانیا

وەزیری بەرگری ئەڵمانیا کریستین لامبرێخت دەڵێت ئەڵمانیا لە چەند ڕۆژێکدا چوار سیستمی بەرگری ئاسمانی ئایریس – تی – ئێس ئێڵ ئێم دەدات بە ئۆکرانیا.

لامبرێخت لە بەیاننامەیەکدا وتی " دووبارە بوونەوەی هێرشە موشەکییەکان بۆ سەر کیێڤ و زۆرێک لە شارەکانی دیکە ئەوە دەردەخات کە چەند گرنگە بەپەلە سیستمی بەرگری ئاسمانی بدرێت بە ئۆکرانیا."

وتیشی " هێرشەکانی ڕووسیا لە ڕێی موشەک و فڕۆکە بێفڕۆکەوانەکانەوە بە تایبەتی دانیشتوانی مەدەنی تیرۆر دەکەن. لەبەر ئەوەیە ئێمە پشتیوانی دابین دەکەین بە تایبەتی لە ڕێی پێدانی سیستمی بەرگری ئاسمانییەوە."
سەرچاوە/ ڕۆیتەرز