لە بەیاننامەیەکی هاوبەشی ئەمەریکا و عەرەبستانی سعودیەدا کە دەزگای هەواڵی سپای سعودیە بڵاویکردەوە هاتووە دەڵێت ئەمەریکا و سعودیە ڕێکەوتوون لەسەر گرنگی ڕاگرتنی ئێران لە " بەدەستهێنانی چەکی ئەتۆمی". ئەمەش لە میانەی سەردانەکەی سەرۆکی ئەمەریکا جۆو بایدندا بۆ سعودیە.
لە بەیاننامەکەدا ئاماژە بەوە کراوە سەرۆک بایدن جەختی لە پابەندبوونی وڵاتەکەی کردۆتەوە لە پشتیوانیکردنی ئاسایش و بەرگری سعودیەدا.
دوو وڵاتەکە جەختیشیان لە گرنگی ئەوە کردۆتەوە ڕێگە نەدەن ئێران لە ڕێی گروپە چەکدارییەکانەوە دەست وەربداتە کاروباری ناوخۆی وڵاتانی دیکەوە و پشتیوانی لە تیرۆر بکات و سەقامگیری و ئاسایشی ناوچەکە تێک بدات.
پێشتر ئیبراهیم ڕەئیسی سەرۆکی ئێران ڕایگەیاند بوو کە " پێویستە واشنتۆن و هاوپەیمانەکانی بزانن کە بۆ هەر هەڵەیەک کە لە لایەن واشنتۆن و هاوپەیمانەکانیەوە ئەنجام بدرێت وەڵامێکی توندی دەبێت و پەشیمان دەبنەوە."
سەرچاوە/ ڕۆیتەرز
