Accessibility links

ڕووسیا سەرزەنشتی ئەمەریکا دەکات لەسەر ڕەوانەکردنی چەکی پێشکەوتوو بۆ ئۆکرانیا


جێگری وەزیری دەرەوەی ڕووسیا سێرگێی ڕیابکۆڤ

ڕۆژی چوارشەممە ڕووسیا وتی بڕیاری ئەمەریکا بۆ ڕەوانەکردنی سیستمی موشەکی پێشکەوتوو و تەقەمەنی بۆ ئۆکرانیا بڕیارێکی زۆر نەرێنییە و مەترسییەکانی کەوتنەوەی ململانێیەکی ڕاستەوخۆ زیاد دەکات.

جێگری وەزیری دەرەوەی ڕووسیا سێرگێی ڕیابکۆڤ بە دەزگای هەواڵی ئاڕ ئای ئەی نۆڤستی ڕووسی وت مۆسکۆ پێی وایە یارمەتییە سەربازییەکەی ئەمەریکا بۆ ئۆکرانیا " بڕیارێکی زۆر نەرێنییە."

ڕیابکۆڤ ئاماژەی بە پلانەکانی ئەمەریکادا بۆ ڕەوانەکردنی سیستمی موشەکی تۆپهاوێژی جووڵەپێکراوی پێشکەوتوو بۆ ئۆکرانیا، ئەم سیستمەش کۆمەڵێک هەڵدەری موشەکی لەگەڵدایە و ئەمەریکاش دەڵێت وەکو بەشێک لە یارمەتییە سەربازییەکانی دەیدات بە ئۆکرانیا.

سەرچاوە/ ڕۆیتەرز

XS
SM
MD
LG