پەنتاگۆن ناسنامەی دوو لەشکری ئەمەریکایی ئاشکرا کرد کە بەهۆی هێرشی مووشەکی و فڕۆکەی بێفڕۆکەوانی ئێرانەوە لە ئوردن کوژراون.
وەزارەتەکە ڕایگەیاندووە، "لیوا تایلەر جەیمس فیهان (25 ساڵ) خەڵکی هەوایی لە 18ی حەوت کۆچی دوایی کردووە و ئیزابێلا گۆنزالێس (19 ساڵ) خەڵکی ویلایەتی تەکساس لە 17ی حەوتدا کۆچی دوایی کردووە".
بەگوێرەی ڕاگەیەندراوەکە، گۆنزالێس لەکاتی بەشداریکردنی لە ئۆپەراسیۆنی دژ بە داعش و هاوکاری پاراستنی بنکەکە لە هێرشەکانی ئێران کوژراوە.
هەروەها بەڕێوەبەرایەتییەکە وێنەیەکی گۆنزالێسی بڵاوکردووەتەوە و ڕایگەیاندووە، لێکۆڵینەوە لە بارودۆخی هێرشەکە تا ئێستا بەردەوامە.
هاوکات هێزەکانی ئەمەریکا بۆ نۆهەمین شەو لەسەریەک بەردەوام بوون لە هێرشی تۆڵەسەندنەوە بۆ سەر ئامانجەکانی ئێران، ئەمەش لەکاتێکدایە ململانێکان لە ڕۆژهەڵاتی ناوەڕاست بەردەوامن.