بەپێی ڕاپۆرتی فەرماندەیی ناوەندی ئەمەریکا (CENTCOM)، ئێوارەی ڕۆژی شەممە، سوپای ئەمەریکا شەپۆلێکی نوێی هێرشی ئاسمانی بۆ سەر ئێران دەستپێکردووە، دوای فەرمانی سەرۆک دۆناڵد ترامپ.
سێنتکۆم ڕایگەیاندووە، هێرشەکان لە کاتژمێر ٦ی ئێوارە بە کاتی ڕۆژهەڵاتی ئەمەریکا دەستیپێکردووە و مەبەست لێی لاوازکردنی توانای ئێرانە بۆ هەڕەشەکردن لە کەشتییە بازرگانییەکان لە تەنگەی هورمز. سوپای ئەمەریکا هەروەها دەڵێت ئۆپەراسیۆنەکە وەڵامێکە بۆ هێرشەکانی سوپای پاسدارانیی ئێران کە شەوی پێشوو لە ئوردن دژی سەربازانی ئەمەریکا ئەنجامیان دا.
سوپای ئەمەریکا تا ئێستا وردەکارییەکانی سەبارەت بە ئامانجەکان و قەبارەی زیانەکانی بڵاونەکردووەتەوە. دوایین هێرشەکان زیاتر پەرەسەندنی گرژییەکانی نێوان ئەمەریکا و ئێرانە لەدوای هێرشەکانی ئەم دواییەی ناوچەکە.