سەرۆکی ئەمەریکا جۆو بایدن دەڵێت لەمیانەی کۆبوونەوەکەیدا لەگەڵ شازادەی جێنشینی سعودیە محەمەد بن سەلماندا باسی لە بابەتی کوژرانی ڕۆژنامەنووسی سعودی جەمال خاشقچی کردووە.
سەرۆک بایدن گوتیشی " کۆمەڵێک کۆبوونەوەی باشی لەگەڵ سەرکردایەتی سعودیەدا " ئەنجامداوە، گوتیشی بەرەوپێشچوونێکی گرنگی کردووە لە بابەتەکانی ئاسایش و ئابووریدا، بەڵام پرسی مافەکانی مرۆڤیش بابەتێکی سەرەکی بووە.
سەرۆک بایدن لە کۆنفرانسێکی ڕۆژنامەوانیدا بە ڕۆژنامەنووسانی گوت " ڕوونم کردەوە کە ئەو بابەتە زۆر گرنگە بۆ من و ئەمەریکا."
سەرچاوە/ ڕۆیتەرز
