بەڕێوبەری تەندروستی جیهانی هۆشیاریدا لەوەی تەشەنەکردنی ڤایرۆسی کۆرۆنای نوێ بەمزووانە کۆتایی نایەت و نیگەرانی خۆی دەربڕی سەبارەت کاریگەریی ڕاگیرانی یارمەتییە داراییەکان بۆ ڕێکخراوەکە بەتایبەتی لەسەر منداڵان.
بەڕێوبەری ڕێکخراوی تەندروستی جیهانی تێدرۆس ئەدهانۆم وتی " تەشەنەکردنی ڤایرۆسەکە زۆر دوورە لە کۆتایی هاتنیەوە." ئاماژەشی بەوەدا نیگەرانە سەبارەت بە زیادبوونی ژمارەی توشبووان بە ڤایرۆسەکە لە ئەفریقا و ڕۆژهەڵاتی ئەوروپا و ئەمەریکای لاتین و هەندێک لە وڵاتانی ئاسیا.
وتی " ڕێگەیەکی دوورودرێژ و کارێکی زۆرمان لەبەردەمدا ماوە."
وتیشی بەپێی زانیارییەکانی هاوپەیمانێتی جیهانی، لە 21 وڵات کەمی هەیە لە پێکوتەی نەخۆشیەکانی دیکەدا، ئەوەش بەهۆی ئەو کۆتوبەندانەوەیە کە خراونەتە سەر سنووری وڵاتان بەهۆی کۆرۆناوە.
وتیشی " ژمارەی حاڵەتەکانی توشبوون بە نەخۆشی مەلاریا پێدەچێت لە وڵاتانی ئەفریقای باشوور دوو هێندە ببێت، دەبێت ئەوە ڕوونەدات، لەگەڵ وڵاتاندا کاردەکەین تاوەکو ئەوە ڕوونەدات."
سەرچاوە/ ڕۆیتەرز