Accessibility links

واشنتن : ئێران لەڕێی کۆمەکیکردنی تیرۆرەوە ئارامی ناوچەکە تێکدەدات


وەزیری دەرەوەی ئەمەریکا ڕێکس تیلەرسن

وەزارەتی دەرەوەی ئەمەریکا ئێرانی تۆمەتبار کرد بەوەی جێگیری و ئارامی ڕۆژهەڵاتی ناوەڕاست تێکدەدات لەڕێی پشتیوانیکردنی ڕێکخراوە تیرۆریستیەکان و حکومەتی سوریاوە.

ئەمەش لەمیانەی ڕاپۆرتی ساڵانەی وەزارەتی دەرەوەی ئەمەریکادا هات سەبارەت بە تیرۆر و ئاڕاستەی کۆنگرێسی ئەمەریکا کرا.

لە ڕاپۆرتەکەدا باس لەو وڵاتانە کراوە کە پشتیوانی ئەمەریکا دەکەن لەدژی تیرۆر و هەروەها باس لەو وڵاتانەش کراوە کە پشتیوانی لە تیرۆر دەکەن.

بەڕێوبەری بەرەنگاربوونەوەی تیرۆری وەزارەتی دەرەوەی ئەمەریکا جەستن سیبریڵ وتی ئێران بەردەوامە لە تێکدانی ئارامی و جێگیری ناوچەکە لەڕێی کۆمەکیکردنی رێکخراوە تیرۆریستییەکانی وەکو حیزبوڵلا و ڕژێمی سوریا.

لە ڕاپۆرتەکە باس لە ئێران و کۆمەڵە تیرۆریستییەکانی وەکو حیزبوڵلا کراوە وەکوو هەڕەشەیەکی ڕاستەوخۆ لەسەر هاوپەیمانانی ئەمەریکا لەناوچەکەدا.

هەروەها داعش و قاعیدە بە هەڕەشەی یەکەم دانراون لەلایەن وەزارەتی ئەمەریکاوە.

XS
SM
MD
LG