Accessibility links

سەرۆک وەزیری ڕوسیا داوا لە هاوڵاتیان دەکات لە ماڵەوە بمێننەوە


سەرۆک وەزیری ڕوسیا میخائیل میشوستین

دەزگای هەواڵی ئینتەرفاکس لە زاری سەرۆک وەزیری ڕوسیا میخائیل میشوستینەوە بڵاویکردەوە پێویستە هاوڵاتیان لە ماڵەوە بمێننەوە و گەشتەکانیان بۆ دەرەوەی کەمتر بکەنەوە، ئەمەش لە هەوڵێکدا بۆ ڕێگریکردن لە بڵاوبوونەوەی زیاتری ڤایرۆسی کۆرۆنا لەو وڵاتەدا.

ڕۆژی هەینی ژمارەی توشبووان بە ڤایرۆسی کۆرۆنا لە ڕوسیا 1000 کەسی تێپەڕاند ، میشوستین داوای کرد ڕێوشوێنەکان بۆ ڕیگریکردن لە ڤایرۆسی کۆرۆنا توندتر بکرێتەوە و پێویستە ڕێوشوێنەکان سەرتاسەری ڕوسیا بگرنەوە.

ڕوسیا لە ڕۆژی شەممەوە هەموو کافتریا و چێشتخانەکان لە وڵاتەکەدا دادەخات، سەرۆکی ڕوسیا ڤلادیمێر پوتن ڕۆژی چوارشەممە نوسراوێکی بڵاوکردەوە و تیایدا ڕایگەیاند هەفتەی داهاتوو پشووی فەڕمی دەبێت لە سەرتاسەری وڵاتەکەدا و موچەی ئەو هەفتەیەش دەدرێت.

سەرچاوە/ ڕۆیتەرز

XS
SM
MD
LG