پەرلەمانی عیراق بۆ سێهەم جار دەنگدانی بۆ متمانەدان بە محەمەد توفیق عەللاوی سەرۆك وەزیری ڕاسپێدراوی عیراق دواخست.
محەمەد حەلبوسی سەرۆکی پەرلەمانی عیراق هێچ وادەیەکی بۆ کۆبوونەوەیەکی تر ی پەرلەمانی وڵاتەکەی دیاری نەکردووە لەگەڵ ئەوەی دواوادەی دەستوری لە ڕۆژی دووشەممەدا تەواودەبێت.
تەنها 108 پەرلەمانتار لە کۆی گشتی 329 لە دانیشتنەکەی ڕۆژی یەکشەممەدا ئامادەبوون و کۆبوونەوەکە بەهۆی تەواونەبوونی رێژەی یاسایی لە پەرلەماندا دواخرا.
شایانی باسە پەرلەمانی عیراق لەناو خۆیاندا ناکۆکن ، و عەللاوی بۆ بەدەستهێنانی پشتیوانی کەمینەکانی عەرەبی سوننە و کوردەکان بۆ کابینە پێشنیارکراوەکەی گیری خواردووە.
لەلایەکی ترەوە خۆپیشاندانەکان لە عیراق لە بەغدای پایتەخت و باشووری وڵاتەکەدا ڕۆژی یەکشەممە بەردەوامبوو. خۆپیشاندەران کەلەوەتای مانگی دەی ساڵی پارەوە خۆپیشاندانەکانیان دەستپێکردووە، ناڕازین لە هەڵبژاردنی عەللاوی بۆ پۆستی سەرۆك وەزیران و دەڵێین لەدەستەوتاقمی حوکمداری ئیستای وڵاتەکەوە نزیکە.