Accessibility links

ئەمەریکا چوار سەربازی چینی تۆمەتبار دەکات بە هاککردنی زانیارییەکانی ئیکویفاکس


وەزیری دادی ئەمەریکا ویلیام باڕ

وەزیری دادی ئەمەریکا ویلیام باڕ وتی ئەمەریکا چوار سەربازی چینی تۆمەتبار کردووە بە هاککردنی زانیارییەکانی کۆمپانیای ئیکویفاکس و دزینی زانیارییەکان و نزیکەی 150 ملیۆن هاوڵاتی ئەمەریکا زیانیان بەرکەوتووە.

کۆمپانیای ئیکویفاکس زانیاریی ئەو کەسانەی لایە کە پارە لە بانک و حکومەت و کۆمپانیاکانی کریدت کارد ڕادەکێشن و هەموو زانیارییەکانیان تۆمار دەکات.

باڕ وتی " ئەوە گەورەترین هاککردنی زانیارییەکان بوو لە مێژوودا." وەکو ئاماژەیەک بۆ ئەم هاککردنە کە لە بەهاری ساڵی 2017 دا ئاشکرا کرا.

وەزیری دادی ئەمەریکا وتی چوار کەس تۆمەتبار کراون و سەربازی سوپای چینن. شوێنی گومانلێکراوەکان نەزانراوە. جێگری بەڕێوبەری ئێف بی ئای دەیڤد باودیچ وتی " ناتوانین دەستبەسەریان بکەین و لە دادگادا دادگاییان بکەین و بیانخەینە زیندانەوە، بە هەرحاڵ لە ئێستادا ناتوانین ئەوە بکەین."

سەرچاوە/ ڕۆیتەرز

XS
SM
MD
LG