سەرۆکی شارەوانی واشنتنی پایتەختی ئەمەریکا موڕیل باوزەر بەهۆی بەردەوامبوونی توندوتیژیی خۆپیشاندانەکانەوە کاتی قەدەغەکردنی هاتوچۆی لە واشنتن درێژکردەوە.
باوزەر ئەوەشی خستەڕوو ڕۆژی دووشەممە کاتژمێر 19:00 بە کاتی ناوخۆ قەدەغەکردنی هاتوچۆ دەست پێدەکاتەوە و بۆ ماوەی دوو ڕۆژ بەردەوام دەبێت.
سەرۆکی شارەوانی واشنتن لە کۆنگرەیەکی ڕۆژنامەوانیدا وتی " تاوانی کوشتنی جۆرج فلۆید هەموو ئەمەریکییەک توڕە دەکات. بەڵام شکاندنی پەنجەرە و ئاگرکردنەوە و کردەوە تێکدەرەکان ئەو هەوڵانە لەناودەبات کە دەدرێن بۆ چاککردنی ئەو سیستمە خراپەی بەم ڕۆژەی گەیاندووین."
سەرچاوە/ فرانس پرێس