شەوی چوارشەممە لەسەر پێنجشەممە، هێرشێک کرایە سەر بارەگای کۆمەڵەی زەحمەتکێشانی کوردستان، لە سورداش نزیک سلێمانی.
ئەمجەد حسێن پەناهی ئەندامی دەستەی کارگێڕی کۆمەڵەی زەحمەتکێشانی کوردستان، هێرشەکەی بۆ دەنگی ئەمەریکا پشتڕاست کردەوە و ڕایگەیاند ” هێرشەکە لە ڕێگەی مووشەکەوە بووە و ڕاستەوخۆ کراوەتە سەر سەنگەرەکانی پێشمەرگەکانمان."
هەروەها وتیشی "پێشتر لەبەر مەترسی هێرشەکان سەنگەرەکانمان چۆڵ کردبوو، بۆیە خۆشبەختانە هیچ زیانێژی گیانیمان نەبووە."
لە ماوەی هێرشەکانی ئەمەریکا و ئیسرائیل دژ بە ڕژێمی ئێران، ئەمە چەندین جارە ئێران بارەگاکانی حزبە کوردییەکانی ئێران لە هەرێمی کوردستان دەکاتە ئامانج.