ئەمەریکا داوای دانیشتنێکی ئەنجومەنی ئاسایش دەکات کە تیایدا هێرشە مووشەکەکانی ئێران بۆ سەر هەولێر شەرمەزار بکرێت.
ڕۆژی سێشەممە ئەرکی ئەمەریکا لە نەتەوە یەکگرتووەکان لە هەژماری تویتەریدا ڕایگەیاند " ئەمڕۆ ئەمەریکا داوای دانیشتنێکی ئەنجومەنی ئاسیشی نەتەوە یەکگرتووەکانی کرد بۆ شەرمەزارکردنی هێرشە مووشەکییەکانی ئێران بۆ سەر هەرێمی کوردستانی عێراق. ئەم هێرشە سەرکێش و بێپاساوەی کە بەر ماڵێکی سڤیل لە هەولێر کەوت سەرپێچییەکی توندی سەروەری و یەکپارچەیی خاکی عێراق بوو."
هەروەها دەشڵێت " پێویستە ئەنجومەنی ئاسایش ئەم هێرشە شەرمەزار بکات، ئێران بەرپرسیاربکات، و پشتیوانی لە دیموکراسی و سەروەری عێراق بکات."
شەوی شەممە لەسەر یەکشەممە ژمارەیەک مووشەک ئاراستەی هەولێری پایتەخیت هەرێمی کوردستان کرا. سوپای پاسدارانی ئێران بەرپرسیارێتی ئەو هێرشەی گرتە ئەستۆ و ڕایگەیاند "ناوەندی ستراتیژی پیلانگێڕی و ئاژاوەنانەوەی زایۆنییان" لەهەولێر کردووەتە ئامانج، بەڵام بەرپرسانی هەرێمی کوردستان بوونی هەر بنکەیەکی ئیسرائیلی لەهەرێم و شاری هەولێر ڕەتدەکەنەوە.
