وەزارەتی دەرەوەی ئەڵمانیا ڕۆژی شەممە داوای لە هاووڵاتیانی ئەڵمانیا لە ئۆکرانیا کرد دەستبەجێ لە ئۆکرانیا دەربچن، لە کاتێکدا گرژیی و ئاڵۆزییەکانی نێوان ڕووسیا و ئۆکرانیا زیاتر پەرەیسەندووە.
وەزارەتەکە لە بەیاننامەیەکدا ڕایگەیاندووە " داوا لە هاووڵاتیانی ئەڵمانیا دەکەین ئێستا ئەو وڵاتە جێبهێڵن"، هەروەها دەشڵێت " ئەگەری ڕووبەڕووبوونەوەیەکی سەربازی لە هەرکاتێکدا هەیە."
وڵاتانی تریش لە ناویاندا بەریتانیا و ئەمەریکاش داوایان کردووە دەستبەجێ هاووڵاتیانیان لە ئۆکرانیا دەربچن.
سەرچاوە: ڕۆیتەرز
