جۆ بایدن لە بەلایەنی کەم 8 لەو 14 ویلایەتانەی کە ڕۆژی سێشەممە ( ناسراو بە سێ شەممەی مەزن) هەڵبژاردنی بەرایی دیموکراتەکانی تیادا ئەنجام درابوو، سەرکەوتنی بەدەست هێناوە.
بایدن نەک تەنها لە ویلایەتەکانی باشوری ئەمەریکا سەرکەوتنی بەدەستهێنا کە وەکو چاوەڕاون دەکرا، بەڵکو توانی لە ویلایەتەکانی مەسەچوسێتس، میناسۆتا و تێکساسیش سەربکەوێت.
بێرنی ساندەرز لە 3 ویلایەتدا سەرکەوتنی بەدەستهێناوە و ئەنجامە بەراییەکانی کالیفۆرنیاش نیشان دەدات بە جیاوازییەکی زۆر لە پێشە.
ڕۆژی چوارشەممە ڕۆژێک پاش هەڵبژاردنە بەراییەکانی دیموکاتەکان لە 14 ویلایەت ملیاردێر مایک بلومبێرگ دەستی لە هەڵمەتەکانی پێشبڕکێکردن بۆ بوون بە کاندیدی سەرەکی دیموکراتەکان بۆ هەڵبژاردنەکانی 2020 کشاندەوە و گوتی پشتیوانی لە جۆ بایدن دەکات. بلومبەرگ زیاتر لە نیو ملیۆن دۆلار پارەی خۆی بۆ لە هەڵمەتەکاندا خەرج کرد. هاوکات ئێمی کلۆباشار و پیت بووتیجج پاش ئەوی ڕۆژی دووشەممە دەستیان لە هەڵمەتەکان کشاندەوە هەردووکیان پشتیوانی خۆیان بۆ جۆ بایدن ڕاگەیاند.
لە ئێستادا بۆی هەیە بێرنی ساندەرز و جۆ بایدن بکەونە پیشبڕکێیەکی توند لە ماوەی چەند هەفتەی داهاتوودا بۆ ئەوی ڕوون بێتەوە ئاخۆ کامیان دەتوانن ببنە کاندیدی سەرەکی پارتی دیموکرات و لە هەڵبژاردنەکانی مانگی 11 دا ڕووبەڕووی سەرۆک ترامپی کۆماری ببێتەوە.
بۆ بردنەوە و بوون بە بەربژاری دیموکراتەکان بۆ سەرۆکایەتی ئەمەریکا، پێویستە براوە دەنگی 1991 نۆێنەری ویلایەتەکان بەدەستبهێنێت. هەر ویلایەتەو بە پێی ئاماری دانیشتوانی نوێنەری بۆ دیاری کراوە بۆ نمونە ئەو ولایەتانەی کە ڕۆژی سێشەممە دەنگدان تیایاندا ئەنجام درا دەنگی ژمارەی نوێنەرەکانیان بەم شێوەیەیە:
کالیفورنیا 415
تێکساس 228
کارۆلاینای باکور 110
ڤێرجینیا 99
ماساچوسێتس 91
مینیسۆتا 75
کۆلۆرادۆ 67
تێنسی 64
ئەلەباما 52
ئۆکڵاهۆما 37
ئەرکەنسا 31
یوتا 29
مەین 24
ڤێرمۆنت 16