پـیرۆزبایی لە بەشی کوردی دەنگی ئەمەریکا لە 25 هەمین ساڵیادی دامەزراندنی

دەنگی ئەمەریکا لە ساڵی 1942 لە لایەن دەوڵەتی ئەمەریکاوە دامەزرا بۆ ڕووبەڕووبوونەوەی پـرۆپاگەندەی نازیـیەکان لەو سەردەمە کە شەڕی دووەمی جیهانی بوو. پاشان لەگەڵ سەرهەڵدانی شەڕی سارد و پـێشهاتەکانی دیکەی جیهان پەرە بە دەنگی ئەمەریکا درا. لە ئێستادا بە زیاتر لە 40 زمان بەرنامەکانی پـێشکەش دەکات، لەوانە زمانی کوردی.

مەزەندە دەکرێت 236.6 ملیۆن کەس لە جیهان بواری ئەوەیان هەبێت گوێبیستی بەرنامەکانی ڕادیۆی ببن یان بتوانن بەرنامەکانی تەلەفیزیۆنی ببینن، ئەمە جگە لەوەی بە دەیان زمان و زاراوە ماڵپەڕی هەیە و دەتوانرێت لە هەر شوێنێـکی ئەم جیهانە سەردان بکرێن، ئەگەر هێڵی ئنتەرنێت هەبێت و سانسۆری ڕژێمە زۆردار و دیکتاتۆرەکانیان لەسەر نەبن.

دەنگی ئەمەریکا هەرچەندە لە لایەن دەوڵەتی ئەمەریکاوە بودجەی بۆ دابین دەکرێت، بەڵام دەزگایەکی ڕاگەیاندنی سەربەخۆی بێ لایەنە و ئەرکی سەرەکی گەیاندنی ڕاستیەکانە، بە تایبەتی هەڵوێست و بیروبۆچون و تێڕوانینی حکومەتی ئەمەریکا لە بەرامبەر بابەتە ناوخۆیی و دەرەکیـیەکاندا.

ئەمساڵیش بەبۆنەی 25 هەمین ساڵیادی دامەزراندنی بەشی کوردی دەنگی ئەمەریکا و هەروەها 75 هەمین ساڵیادی دامەزراندنی دەنگی ئەمەریکا بە گشتی، ژمارەیەک کاربەدەست و بەرپـرسی کوردی پـیرۆزبایی خۆیان ئاڕاستەی دەنگی ئەمەریکا کردووە، بە تایبەتی بۆ بەشی کوردی.

ئێمەش وەکو بەشی کوردی دەنگی ئەمەریکا سوپاسی هەموو لایەک دەکەین و هیوادارین بتوانین سەرکەوتووانە کاری خۆمان ئەنجام بدەین.

گوڵستان قوربان، ڕۆژنامەوانی کەناڵی تەلەفیزیۆنی ئۆزگورگون

ساڵح موسلیم، هاوسەرۆکی پارتی یەکێتی دیموکرات

نێچیرڤان بارزانی، سەرۆکی حکومەتی هەرێمی کوردستان

عەبدوڵا موهتەدی، سکرتێری گشتی کۆمەڵەی شۆڕشگێڕی زەحمەتکێشانی کوردستانی ئێران

عوسمان بایدەمیر، گوتەبێژی هەدەپە

محەمەد حاجی مەحمود، سکرتێری حزبی سۆسیالست دیموکراتی کوردستان

مستەفا مەولودی، سکرتێری گشتی حزبی دیموکراتی کوردستان

نەجمەدین کەریم، پارێزگاری کەرکوک

ئیبراهیم عەلی زادە، سكرتێری كۆمەڵ - ڕێكخراوی كوردستانی حیزبی كۆمۆنیستی ئێران

بەرهەم ساڵح، جێگری سکرتێری گشتی یەکێتی نیشتمانی کوردستان

ڕێبوار حەمەد، وتەبێژی فەرمی کۆمەڵی ئیسلامی کوردستان

عومەر ئێلخانیزادە، سكرتێری گشتیی كۆمەڵەی زەحمەتكێشانی كوردستان

شۆڕش حاجی، وتەبێژی بزوتنەوەی گۆڕان

محەمەد ئەحمەد، سەرۆکی ئەنجومەنی سەرکردایەتی یەکگرتووی ئیسلامی لە سلێمانی

قوباد تاڵەبانی، جێگری سەرۆکی حکومەتی هەرێمی کوردستان

محەمەد قادر نەزیفی، ئەندامی دەفتەری سیاسی حیزبی دیموکراتی کوردستانی ئێران

سەردار قادر، پارێزگاری سلێمانی بە وەکالەت