سەرۆک ترامپ لە ڕێگەی تویتەرەکەی خۆی ڕایگەیاند کۆریای باکور هەرسێ ئەمەریکایـیەکەی ئازادکردووە و ئێستا لەگەڵ مایک پەمپـێۆ وەزیری دەرەوە بەرەو ئەمەریکا دەگەڕێنەوە.
سەرۆک ترامپ نووسیویەتی:
بە خۆشحاڵیـیەوە بۆتانی ڕادەگەیەنم وەزیری دەرەوە مایک پەمپێۆ لە فڕۆکەدایە و لە کۆریای باکور دەگەڕێتەوە لەگەڵ ئەو 3 پـیاوە بەڕێزە کە هەمووان چاومان لە ڕێـیە بۆ بینینیان. پـێدەچێت تەندروستیان باشبێت. هەروەها پەمپـێۆ کۆبوونەوەیەکی باشی لەگەڵ کیم جۆنگ ئون ئەنجامداوە و ڕۆژ و شوێنی کۆبوونەوە باڵاکەی نێوان ئەمەریکا و کۆریای باکور دەسـتنیشانکراون.
I am pleased to inform you that Secretary of State Mike Pompeo is in the air and on his way back from North Korea with the 3 wonderful gentlemen that everyone is looking so forward to meeting. They seem to be in good health. Also, good meeting with Kim Jong Un. Date & Place set.
— Donald J. Trump (@realDonaldTrump) May 9, 2018
پاشان نووسیویەتی" وەزیر پەمپـیۆ و میوانەکانی لە کاژمێر 2 ی بەرەبەیان دەگەنە بنکەی ئاسمانی ئەندرۆز. لەوێ دەبم بۆ پـێشوازیکردن لێـیان. زۆر تامەزرۆی بینینیانم!"
Secretary Pompeo and his “guests” will be landing at Andrews Air Force Base at 2:00 A.M. in the morning. I will be there to greet them. Very exciting!
— Donald J. Trump (@realDonaldTrump) May 9, 2018
هاوکات کۆشکی سپی ئازادکردنی ئەمەریکایـیەکان لە لایەن کۆریای باکور بە دەسـتپـێشخەریـیەکی باش ناودێرکرد.
جێی ئاماژەیە هەرسێ هاوڵاتی ئەمەریکایی بە ڕەچەڵەک کۆری کیم هاک و تۆنی کیم و کیم دۆنگ شول لە کۆریای باکور سزای زیندانی و ئەنجامدانی کاری قورس درابوون بە تۆمەتی سیخوڕی و کرداری دوژمنکارانە.