سەرۆکی ڕوسیا ڤلادمێر پوتن پیرۆزبایی لە جۆو بایدن کرد بەبۆنەی سەرکەوتنی لە هەڵبژاردنی سەرۆکایەتی لە مانگی 11.
کرملن ڕۆژی سێشەممە ڕایگەیاند پوتن هیوای " هەموو سەرکەوتنێک " ی بۆ بایدن خواست و متمانەی خۆی دەربڕی کە ئەمەریکا و ڕووسیا دەتوانن " هاوکار بن بۆ چارەسەرکردنی ئەو کێشە و ئاستەنگە زۆرانەی ڕووبەڕووی جیهان دەبنەوە. "
پوتن گوتیشی ئامادەیە بۆ پەیوەندی و گفتوگۆ لەگەڵ بایدندا.
پاش ڕاگەیاندنی ئەنجامەکانی هەڵبژاردن ژمارەیەک لە ڕێبەرانی جیهان تەلەفۆنیان بۆ بایدن کردووە بۆ پیرۆزباییرکردن لێی و تاوتوێی هاوکاریکردنیان کردووە لەگەڵ بەڕێوەبەرایەتی نوێی ئەمەریکا کە لە مانگی 1 دەستپێدەکات.
پوتن گوتبووی چاوەڕوان دەکات هەتا ئەو کاتەی ئەنجامەکان بە فەرمی ڕادەگەیەندرێن، کە لە ڕۆژی دووشەممە بوو کاتێک نوێنەرانی هەڵبژاردن سەرکەوتنی بایدنیان بەسەر سەرۆک دانۆڵد ترامپ پشتڕاست کردەوە.