ئەنجوومەنی نوێنەرانی ئەمەریکا پڕۆژەیاسایەکی پەسەند کرد بۆ سەپاندنی سزای فراوان بەسەر ڕووسیا و ئێران و یاساکەی نارد بۆ سەرۆک دۆناڵد ترامپ بە مەبەستی واژۆکردنی.
پڕۆژە یاساکە ڕۆژی چوارشەممە بە دەنگی 203 ئەندامی کۆماری و 58 ئەندامی دیموکرات پەسەند کرا. 152 ئەندامی دیموکرات و حەوت کۆماری دژی وەستانەوە.
ئەم یاسا نوێیە بەرپرسان و دامەزراوە داراییەکان و کەرتی وزە و بەلەمی گواستنەوەی نەوتی نایاسایی ڕووسیا دەکاتە ئامانج. هەروەها دەسەڵات بە ترامپ دەدات ڕێژەی هەتا 100% باج بخاتە سەر کڕیارە سەرەکییەکانی نەوت و غازی ڕووسیا و ئەو وڵاتانەی کە هاوکاری مۆسکۆ دەکەن بۆ دەربازبوون لە سزاکان.
یاساکە هەروەها یاسای سزاکانی سەر ئێران بۆ ماوەی پێنج ساڵ درێژ دەکاتەوە و دەبێتە هۆی بەردەوامیدان بە سزاکانی سەر کەرتی وزە و چەکی ئێران.
پڕۆژە یاساکە لەلایەن سیناتۆری کۆچکردوو لینزی گراهام پشتیوانییەکی فراوانی لێ دەکرا و ناوی نراوە "یاسای لینزی ئۆ. گراهام بۆ سزادانی ڕووسیا و ئێران لە ساڵی 2026."