ڕێژەی هەلی کار لە مانگی ڕابردوودا لە ئەمەریکا زیاتر گەشەی کردووە لەوەی کە بەهۆی بەرزبوونەوەی نرخی جیهانیی ووزەوە پێشبینی کرابوو، لە کاتێکدا ڕێژەی بێکاری لە 4.3% جێگیر بووە.
ئەمەش کاریگەری لەسەر بازاڕ دەبێت و وا دەکات کە بانکی ناوەندیی ئەمەریکا ئاستی سوودی بانکی وەک خۆی بهێڵێتەوە.
بە پێی ئەو ئامارانەی لە وەزارەتی کاری ئەمەریکاوە بڵاو کراونەتەوە، سەد و 15 هەزار کار لە دەرەوەی سێکتەری کشتوکاڵ زیاد بووە و مانگی سێش سەد و 85 هەزار زیاد ببوو.
شارەزایانی بواری ئابووری پێیان وایە هێشتا زووە کە باس لە کاریگەرییەکانی جەنگی ئەمەریکا و ئیسرائیل لە دژی ڕژێمی ئێران بکرێت.
هەروەها توندوتۆڵکردنەوەی سنوورەکان لە لایەن سەرۆکی ئەمەریکاوە لە دژی کۆچی نایاسایی کاریگەری دەبێت.