مارکۆ ڕوبیۆ، وەزیری دەرەوەی ئەمەریکا ئێوارەی شەممە لە میونخی ئەڵمانیا لەگەڵ وەزیرانی درەوەی گرووپی حەوت وڵاتی پیشەسازی جیهانی کۆبووەوە.
وەزارەتی دەرەوە لە ڕاگەیاندراوێکدا دەڵێت " سەرکردەکان باسیان لە پرسە گرنگەکانی وەک ململانێ بەردەوامەکان کرد کە هەڕەشەن بۆ سەر ئاشتی و سەقامگیری لە ئافریکا، ئەوروپا و ڕۆژهەڵاتی ناوەڕاست." هەروەها باسیان لە " ئاڵنگارییەکان بۆ ئاسایشی ناوچەکە لە هیندۆ-پاسیفیک و نیوەگۆی ڕۆژئاوا"ش کردووە.
لەو کۆبوونەوەیەی کە لە پەراوێزی کۆنفرانسی ئاسایشی میونخ ئەنجام دراوە، وەزیری دەرەوە روبیۆ، "پابەندبوونی ئەمریکای بە بەرەوپێشبردنی سەقامگیری لە ڤەنزوێلا و دانوستان بۆ کۆتاییهێنان بە شەڕی ڕووسیا و ئۆکرانیا دووپاتکردەوە."
ڕوبیۆ و هاوتاکانی لە گرووپی حەوت وڵاتی پیشەسازی جیهان گرنگی بەهێزکردنی هاوکارییەکانی گروپەکەیان دووپاتکردەوە بۆ "ڕووبەڕووبوونەوەی هەڕەشە جیهانییەکان بۆ سەر ئاشتی و ئاسایشی نێودەوڵەتی."
گروپی حەوت بریتییە لە وڵاتە یەکگرتووەکانی ئەمەریکا، فەرەنسا، ئەڵمانیا، ئیتالیا، ژاپۆن و بەریتانیا.