سەرۆکی ئەمەریکا هوشداری دا بە تۆڕەکانی پەیوەندی کۆمەڵایەتی کە بە گوتەی خۆی دەبێت دەستبەجێ لە شێوەی ڕەفتاریان بگۆڕن، ئەگەر نا ئەوا بە زۆر ڕێکیاندەخاتەوە یان دایاندەخات.
سەرۆک ترامپ ئەمڕۆ چوارشەممە لەسەر تویتەرەکەی نووسی" کۆماریـیەکان هەست دەکەن تۆڕەکانی پەیوەندی کۆمەڵایەتی دەنگی کۆنەپارێزان بە تەواوی کپ دەکەن. بە زۆر ڕێکیاندەخەینەوە یان دایاندەخەین، بەر لەوەی ڕێگە بدەین ئەوە ڕووبدات. بینیمان لە ساڵی 2016 هەوڵی چیان دا و شکستیان هێنا. ناتوانین ڕێگەبدەین نمونەیەکی لەوە ئاڵۆزتر جارێکی دیکە ڕووبدات. بە هەمان شێوە ناتوانین ڕێگە بدەین دەنگدان لە ڕێگەی پـۆستەوە(بەرید) لەسەر ئاستێکی فراوان لە وڵاتەکەماندا ڕەگ دابکوتێت. چونکە بۆ هەموو لایەک ئاسان دەبێت فرتوفێڵی تێدابکات و کارتەکان بدزێت. بۆیە ئەو کاتە کێ زیاتر فرتوفێڵ بکات ئەو دەیباتەوە. بە هەمان شێوە، تۆڕەکانی پەیوەندی کۆمەڵایەتی هەر ئێستا ڕەفتارتان بگۆڕن!!!"
Republicans feel that Social Media Platforms totally silence conservatives voices. We will strongly regulate, or close them down, before we can ever allow this to happen. We saw what they attempted to do, and failed, in 2016. We can’t let a more sophisticated version of that....
— Donald J. Trump (@realDonaldTrump) May 27, 2020
ئەم ڕاگەیاندنە پاش ئەوە دێت کە تویتەر ڕۆژی سێشەممە لە ژێر نووسینێکی سەرۆک ترامپ سەبارەت بە گومان خستنە سەر دەنگدان لە ڕێگەی پـۆستەوە، ڕستەی"لێکۆڵینەوە لە ڕاستیـیەکان بکەن" دانابوو.