Accessibility links

زەڵمای خەلیلزاد بەشداری کۆبوونەوەکەی مۆسکۆ دەکات سەبارەت بە ئەفغانستان


نوێنەری ئەمەریکا بۆ ئەفغانستان زەڵمای خەلیلزاد

وەزارەتی دەرەوەی ئەمەریکا ڕایگەیاند نوێنەری ئەمەریکا بۆ ئەفغانستان زەڵمای خەلیلزاد بەشداری کۆبوونەوەکەی ڕۆژی پێنجشەممە دەکات لە مۆسکۆ لەنێوان حکومەتی ئەفغانستان و بزوتنەوەی تاڵیباندا، ئەوەش وەکو " پشتیوانیەک لە پڕۆسەی ئاشتی ".

وتەبێژی وەزارەتی دەرەوەی ئەمەریکا جالینا پۆرتەر وتی " لەچوارچێوەی هەوڵەکانماندا بۆ هاندانی پڕۆسەی ئاشتی و پشتیوانیکردنی، نوێنەر خەلیلزاد بەنیازە ئامادەی کۆبوونەوەکەی مۆسکۆ ببێت."

وتیشی " ئەم کۆبوونەوەیە زیاد دەکرێت بۆسەر هەموو هەوڵە نێودەوڵەتیەکانی دیکە بۆ پشتیوانیکردن لە پڕۆسەی ئاشتی ئەفغانی و ڕەنگدانەوەی نیگەرانیەکانی کۆمەڵگەی نێودەوڵەتیە سەبارەت بەو پێشڕەوییەی تاوەکو ئێستا لە گفتوگۆکاندا کراوە."

بەڕێوبەرایەتیەکەی سەرۆکی ئەمەریکا جۆو بایدن هەوڵی زیندووکردنەوەی دانوستانەکانی نێوان کابوڵ و بزوتنەوەی تاڵیبان دەدات، بەتایبەتی لەکاتێکدا کە پێویستە بڕیارێک بدات لەسەر جێبەجێکردنی کشانەوەی سەرجەم هێزەکانی ئەمەریکا لە ئەفغانستان تاوەکو مانگی پێنج."

بەپێی ڕێکەوتنێکی نێوان ئەمەریکا و تاڵیبان کە لە مانگی دووی ساڵی 2020 دا واژۆکرا، ئەمەریکا ڕازیبووە تاوەکو مانگی پێنجی ساڵی 2021 سەرجەم هێزەکانی لە ئەفغانستان بکشێنێتەوە، لەبەرامبەریشدا تاڵیبان گرەنتی ئاسایش و گفتوگۆکردن لەگەڵ کابوڵدا بدات.

سەرچاوە/ فرانس پرێس

XS
SM
MD
LG