Accessibility links

خاچی سوور سوتەمەنی دەکڕێت بۆ دابینکردنی ئاوی پاک بۆ یەمەن


لیژنەی نێودەوڵەتی خاچی سوور چارەسەرێکی کاتی ڕاگەیاند کە ئەوەش کڕینی سوتەمەنیە بۆ دابینکردنی ئاوی پاک بۆ ملیۆن کەسی هەردوو شاری حەدیدە و تەعەزی یەمەن بۆ ماوەی یەک مانگ.

وتەبێژی لیژنەکە یۆلاندا جاکمیی وتی کەمی سوتەمەنی بۆتە شتێکی مەترسیدار لەژێر گەمارۆدانەکەی هاوپەیمانێتی عەرەبی بەسەرکردایەتی سعودیە و سیستمەکانی ئاو لە نۆ شاردا سوتەمەنیان نیە بۆ کارپێکردنی مزەخەکان.

وتی " وەکوو کۆتا پەنابردنمان، سوتەمەنی دەکڕین بۆ یارمەتیدانی کۆمپانیاکانی ئاو لە حەدیدە و تەعز بۆ ئەوەی بتوانن بۆ ماوەی مانگێک مزەخەکان کار پێبکەن."

وتی لیژنەکە 750 هەزار لیتر سوتەمەنی دەکڕێت بۆ دوو شارەکە و وەکوو ڕێوشوێنێکی کاتی ناودێری کرد.

وتیشی کەمی سوتەمەنی کار دەکاتە سەر کۆمەڵێک کەرتی گشتی لەوانەش ئاو و تەندروستی و خۆراک لە کاتێکدا نرخەکانی خۆراک بەڕێژەیەکی زۆر بەرزبوونەتەوە. سوتەمەنی پێویستە بۆ گواستنەوەی شتومەکەکان و کارپێکردنی بزوێنەرە کارەباییەکان لە نەخۆشخانەکان و ساردکردنەوەی دەرمانەکاندا.

سەرچاوە/ ڕۆیتەرز

XS
SM
MD
LG