وەزارەتی خەزێنەی ئەمەریکا وتی سزامان سەپاندووە بەسەر دوو تۆڕدا کە خۆیان دزیوەتەوە لە سزاکانی ئەمەریکا بۆ سەر ئێران و لەبەرژەوەندی حکومەتی ئێران و دامەزراوە سەربازییەکانیان کاریان کردووە.
وەزارەتەکە لە بەیاننامەیەکدا وتی یەکێک لە تۆڕەکان کۆمپانیایەکی بەکارهێناوە کە بنکەکەی لە هۆنگ کۆنگە و خۆی دزیوەتەوە لە سزا ئەمەریکی و نێودەوڵەتیەکانی سەر ئێران و تەکنەلۆجیا و پێکهاتەی دابین کردووە بۆ کەسانێک کە پەیوەندییان بە حکومەتی ئێران و سوپای پاسدارانەوە هەبووە.
وتیشی تۆڕی دووەم بەرهەمەکانی ئەلەمنیۆمی دەستکەوتوو و بۆ ئەو کۆمپانیایانەی دابین کردووە کە سەر بە وەزارەتی بەرگری ئێرانن.
وەزارەتی خەزێنەی ئەمەریکا سزای سەپاندووە بەسەر ئەو کەسانەشدا کە پەیوەندییان بەو دوو تۆڕەوە هەیە.
سەرچاوە/ ڕۆیتەرز