سێ که‌س 640 ملیۆن دۆلاره‌که‌ی لۆته‌ری مێـگاملیۆنی ئه‌مه‌ریکایی ده‌بنه‌وه‌

دوێنێ هه‌ینی پاش ئه‌وه‌ی ژماره‌یه‌کی ئێجگار زۆری بلیتی لۆته‌ری مێگاملیۆنی ئه‌مه‌ریکایی کڕا، بڕی پاره‌که‌ له‌ 540 ملیۆن دۆلاره‌وه‌‌ گه‌یشته‌ 640 ملیۆن.

دره‌نگانێـکی شه‌وی هه‌ینی ژماره‌کان ڕاکێشران و به‌ ملیۆنه‌ها که‌س له‌ سه‌رانسه‌ری ئه‌مه‌ریکادا که‌وتنه‌ به‌راوردکردنی ژماره‌که‌ له‌گه‌ڵ ئه‌وانه‌ی بلیته‌کانیان.

سه‌رئه‌نجام 3 که‌س بڕه‌ زۆره‌که‌ی لۆته‌ریـیه‌که‌یان برده‌وه‌ که‌ هه‌ر یه‌که‌یان نزیکه‌ی 213 ملیۆن دۆلاری به‌رده‌که‌وێت. براوه‌کان له‌ سـتانه‌کانی مێریلاند و که‌نساس و ئێلینۆین.

شـایه‌نی باسه‌ ئه‌م لۆته‌ره‌یـیه‌ هه‌فته‌ی دوو جار ڕاده‌کێشرێت، له‌ کاتژمێر یازده‌ی شه‌وی سێشه‌ممه‌ و هه‌ینی به‌ کاتی واشنتنی پایته‌خت. کارتی کڕینی بلیته‌کانی دوو کۆمه‌ڵ ژماره‌ی تێدایه‌ له‌ کۆمه‌ڵی یه‌که‌م که‌ له‌ ژماره‌ 1 ده‌سـتپـێده‌کات هه‌تا 56 ده‌بێت پـێنج ژماره‌ ده‌سـتنیشـان بکرێن، له‌ کۆمه‌ڵی دووه‌م له‌ ژماره‌ 1 ده‌سـتپـێده‌کات هه‌تا 46 ده‌بێت یه‌ک ژماره‌ ده‌سـتنیشـان بکرێت. ئه‌گه‌ر بێت و هه‌ر شه‌ش ژماره‌که‌ ڕاست بن ، ئه‌وا بڕه‌ زۆره‌که‌ی پاره‌ی لۆته‌ری ئه‌و گه‌ڕه‌ ده‌برێته‌وه‌، به‌ڵام ئه‌گه‌ر هه‌ر ته‌نها 5 ژماره‌که‌ی کۆمه‌ڵی یه‌که‌م ڕاست بوون، ئه‌وا 250 هه‌زار دۆلار ده‌برێته‌وه‌.

لۆته‌ریـیه‌که‌ بلیتی به‌ دۆلارێـکه‌ و زۆر جار ده‌گاته‌ نزیکه‌ی 100 ملیۆن دۆلار، به‌ڵام ئه‌مه‌ یه‌که‌م جاره‌ بگاته‌ ئه‌و بڕه‌ پاره‌ زۆره‌ که‌ له‌ نیو ملیار دۆلار تێپه‌ڕی کرد.