Accessibility links

گیراوێـکی گۆنتانامۆ ته‌نها یه‌ک تۆمه‌تی به‌سه‌ردا ساغ ده‌بێته‌وه‌


هۆڵی دادگایی‌کردنی ئه‌حمه‌د گه‌یلانی له‌ دادگای فیدراڵی له‌ شـاری مانهاتنی نیویۆرک، (ئه‌رشیفی 12 ی ده‌ی 2010)
هۆڵی دادگایی‌کردنی ئه‌حمه‌د گه‌یلانی له‌ دادگای فیدراڵی له‌ شـاری مانهاتنی نیویۆرک، (ئه‌رشیفی 12 ی ده‌ی 2010)

ده‌سته‌یه‌ک له‌ سوێندخۆرانی فیدراڵی وڵاته‌ یه‌کگرتووه‌کانی ئه‌مه‌ریکا یه‌که‌م به‌ندکراوی به‌ندیخانه‌ی گۆنتانامۆ که‌ بڕیاره‌ ڕووبه‌ڕووی دادگای سیڤیلی بێته‌وه‌ بۆیان ئاشـکرابوو تاوانبار نیـیه‌ له‌ سه‌رجه‌م تۆمه‌ته‌کانی درابوونه‌ پاڵی، ته‌نها یه‌ک تۆمه‌ت نه‌بێت که‌ ئه‌ویش په‌یوه‌ندی به‌ پـیلانی ته‌قاندنه‌وه‌ی دوو باڵیۆزخانه‌ی ئه‌مه‌ریکا له‌ سـاڵی 1998 دا له‌ ئه‌فریکادا هه‌یه‌.

ده‌سته‌ی سـوێندخۆرانی شـاری نیویۆرک بۆ ماوه‌ی پـتر له‌ حه‌وت ڕۆژه‌ تاووتوێی ئه‌م دۆزه‌یه‌یان کرد. به‌ر له‌وه‌ی بۆیان ئاشـکرا بـبێت هاوڵاتی تانزانی ئه‌حمه‌د گه‌یلانی به‌ یه‌ک تۆمه‌ت تاوانباره‌ که‌ په‌یوه‌سته‌ به‌ تێوه‌گلانی له‌ پیلانی زیاند گه‌یاندن به‌ موڵک و سامانی ئه‌مریکایی له‌ رێگه‌ی ته‌قه‌مه‌نیه‌وه‌.

هه‌ر له‌و باره‌یه‌وه‌، داواکارانی گشتی ده‌ڵین، ئه‌حمه‌د گه‌یلانی، حکومی به‌ لای که‌م 20 ساڵ زیندانی ده‌درێت و هه‌روه‌ها شیانی ئه‌وه‌ش هه‌یه‌ که‌ ناوبراو سزای زیندانی بۆ هه‌تا هه‌تای بدرێت.

ئه‌وه‌ی شایه‌نی باسه‌، ئه‌حمه‌د گه‌یلانی هاوڵاتی تانزانی له‌ پتر له‌ 280 تۆمه‌تی دیکه‌ ئازادکرا، له‌وانه‌ کوشتن و هه‌و‌ڵدان بۆ ئه‌نجامدانی کاری کوشتن.

گه‌یلانی به‌ هه‌بوونی په‌یوه‌ندی به‌ پیلانێک تۆماتبارکرا، ئه‌وه‌ی بووه‌ مایه‌ی ته‌قاندنه‌وه‌ی باڵیۆزخانه‌کانی وڵاته‌ یه‌کگرتووه‌کانی ئه‌مه‌ریکا له‌ تانزانیا و هه‌روه‌ها کینیا، که‌ کوژرانی 224 که‌سی لێکه‌وته‌وه‌ و که‌ 12 یان هاوڵاتی ئه‌مه‌ریکای بوون.

XS
SM
MD
LG