چین دەڵێت بۆ ماوەی 90 ڕۆژ وەرگرتنی گومرگی زیاتر لەسەر هاوردەکانی ئۆتۆمبیل و پارچەی ئۆتۆمبیلی ئەمەریکایی بۆ ناو وڵاتەکەی ڕادەگرێت، ئەمەش لە چوارچێوەی ئەو ڕێکەوتنەی سەرۆکانی هەردوو وڵات لە ئەرجەنتین پـێی گەیشتن.
دەزگای باج و گومرگی چین ئەمڕۆ هەینی گوتی ئەم بڕیارە لە سەرەتای مانگی یەکی ساڵی داهاتووە دەچێتە قۆناغی جێبەجێکردنەوە و هەتا ماوەی سێ مانگ گومرگی زیاتر وەرناگیرێت لەسەر هەناردەکانی ئەمەریکا لە ئۆتۆمبیل و ماشێن بە بەهای 66 ملیار دۆلار و پارچەی ئۆتۆمبیل بە بەهای 60 ملیار دۆلار.
دەڵێت گومرگی سەر ئۆتۆمبیل و ماشێنەکان کە دەگاتە 25% ڕادەگیرێن و هەروەها گومرگی سەر پارچەی ئۆتۆمبیل 5% ئەویش ڕادەگیرێت.
دەزگاکە دەشڵێت ئامانج لەم بڕیارە جێبەجێکردنی ئەو ڕێکەوتنەیە کە شی ژینپـینگ سەرۆکی چین و دانۆڵد ترامپ سەرۆکی ویلایەتە یەکگرتووەکان دوو هەفتە لەمەوبەر لە پەراوێزی گۆنگرەی G20 لە بۆینس ئایرێسی پایتەختی ئەرجەنتین پـێیگەیشتن.
هەفتەی ڕابردوو وەزارەتی بازرگانی چین ڕایگەیاند وڵاتەکەی دەستبەجێ ئەو ڕێکەوتنە جێبەجێ دەکات.