Accessibility links

ئۆکرانیا دەڵێت هێزەکانی ئۆکرانیا لە خارکیڤ گەیشتوونەتە سەر سنووری ڕووسیا


ئۆکرانیا دەڵێت ئەو هێزانەی ئۆکرانیا کە بەرگری لە خارکیڤی دووەم گەورەترین شاری ئۆکرانیا دەکەن، هێزەکانی ڕووسیایان لە ناوچەکە دەرکردووە و تاوەکو سنوری نێوان وڵاتەکە و ڕووسیا پێشڕەوییان کردووە.

ڕۆیتەرز نەیتوانیوە دەستبەجێ ئەو بابەتە پشتڕاست بکاتەوە و نەزاندراوە چەند سەرباز گەیشتوونەتە سنوری ڕووسیا و لە چی شوێنێکی سەر سنوورەکەدان.

وەزارەتی بەرگری ئۆکرانیا وتی فەوجی 227 ی لیوای 127 ی هێزەکانی بەرگری ئۆکرانیا گەیشتوونەتە سنووری نێوان وڵاتەکە و ڕووسیا، وتیشی " پێکەوە بەرەو سەرکەوتن."

وەزارەتەکە لە تۆڕی کۆمەڵایەتی فەیسبووک گرتە ڤیدیۆیەکی بڵاوکردۆتەوە و تیایدا 12 سەربازی ئۆکرانی لە میحوەرێکی سەر سنووری نێوان ئۆکرانیا و ڕووسیا بە ڕەنگەکانی ئاڵای ئۆکرانیاوە دەردەکەون.

فەرمانڕەوای هەرێمی خارکیڤ ئۆلێ سینیگوبۆڤ وتی هێزەکانی ئۆکرانیا میحوەرەکەی سەر سنوورییان گرتۆتەوە.

گوتی " سوپاسی هەموو ئەوانە دەکەین کە ژیانی خۆیان دەخەنە مەترسییەوە و ئۆکرانیا لە دەستی داگیرکەرە ڕووسییەکان ڕزگار دەکەن."

سەرچاوە/ ڕۆیتەرز

XS
SM
MD
LG