Accessibility links

بەرپرسێکی خزمەتگوزاری: ئۆکرانیا پێویستی بە لانیکەم 10 ساڵ دەبێت تاوەکو خاکەکەی لە مینەکان پاک بکاتەوە


بەرپرسێکی خزمەتگوزاری بەپەلەی ئۆکرانیا دەڵێت دوای تەواو بوونی جەنگەکەی ڕووسیا، ئۆکرانیا پێویستی بە لانی کەم 10 ساڵ دەبێت تاوەکو بتوانێت خاکی وڵاتەکە لە مین و تەقەمەنییەکان پاک بکاتەوە.

بەرپرسەکە وتی ئۆکرانیا توانیویەتی 620 کیلۆمەتر چوارگۆشە لە خاکەکەی لە هەزاران ئامێری تەقینەوە و 2000 بۆمبەوە پاک بکاتەوە کە بۆمبەکان لە ئاسمانەوە خرابوونە خوارەوە. بەڵام نزیکەی 300 کیلۆمەتر چوارگۆشە هێشتا وەکو خاکێکی " مینڕێژکراو " سەیر دەکرێت.

گوتیشی ئەو ناوچەیە نیوەی خاکی ئۆکرانیا دەگرێتەوە و هێندەی گەورەیی خاکی ئیتاڵیایە.

وتەبێژی خزمەتگوزاری بەپەلەی ئۆکرانیا ئۆلیکساندەر خورنوزی وتی " 10 ساڵمان دەوێت، ئەوەش بە گەشبینییەوە دەیڵێم. چونکە نازانین چی ڕوودەدات لەو ناوچانەدا کە لە ئێستادا شەڕییان تێدایە."

بەرپرسەکە بە ڕۆژنامەنووسانی گوت " بەس بیربکەرەوە لە ژمارەی ئەو بۆمبانەی کە لەلایەن دوژمنەوە بەسەرماندا خراونەتە خوارەوە."

گوتیشی یەکەمین ئەرکی سەرەکی دروستکردنی ژێرخانێکە بۆ پوچەڵکردنەوەی مینەکان لە ناوچەکانی دانیشتوان و شەقامەکان، بەڵام پاککردنەوەی دارستان و ڕووبار و کەناراوەکان کاتی زیاتری دەوێت.

سەرچاوە/ ڕۆیتەرز

XS
SM
MD
LG