خزمەتگوزاری فریاکەوتنی ئۆکرانیا وتی ئۆکرانیا تەرمی حەوت کەسییان دۆزیوەتەوە کە لەژێر پاشماوەی دوو باڵەخانەی نیشتەجێبووندا نێژرابوون لە شارۆچکەی بۆرۆدیانکای نزیک کیێڤ.
دوای ئەوەی مانگی ڕابردوو هێزەکانی ڕووسیا لە بۆرۆدیانکا کشانەوە کە دەکەوێتە ڕۆژئاوای کیێڤەوە، زیاتر لە 200 کارمەندی تیمەکانی فریاکەوتن بە پاشماوەی بینا و شوێنەکاندا بەشوێن هاوڵاتیانی بێسەروشوێندا دەگەڕێن.
خزمەتگوزاری فریاکەوتنی خێرای ئۆکرانیا وتی کۆی ژمارەی ئەو کەسانەی کە گیانیان لەدەستداوە بەم تەرمانەشەوە کە لەژێر پاشماوەکاندا دۆزراونەتەوە گەیشتۆتە 19 کەس.
سەرۆکی ئۆکرانیا ڤلۆدیمیر زێلێنسکی پێشتر وتبووی بارودۆخی شارۆچکەی بۆرۆدیانکا " زۆر خراپترە " لە بوچا، لە بوچا ئۆکرانییەکان ڕووسیایان بە تۆمەتی ئەنجامدانی تاوانی جەنگ تۆمەتبار کردووە.
مۆسکۆ ڕەتی دەکاتەوە هاوڵاتیانی مەدەنی کردبێتە ئامانج.
سەرچاوە/ ڕۆیتەرز
ئۆکرانیا: ئۆکرانیا 7 تەرم لەژێر پاشماوەی وێرانبوونی شارۆچکەیەکی نزیک کیێڤ دەدۆزێتەوە
