Accessibility links

تورکیا فەرمانی دەستگیرکردنی 149 کەس دەردەکات بە تۆمەتی پەیوەندی بە فەتحوڵا گولەنەوە


ئاژانسی ئانادولۆی دەوڵەتی تورکیا گوتی؛ دەسەڵاتدارانی وڵات رۆژی دوو شەممە فەرمانی دەستگیرکردنی بۆ 149 کەس دەرکرد کە زۆربەیان سەر بە هێزی ئاسایشن ، بە گومانی پەیوەندیان وەک ئەنکەرە دەڵێت بەو تۆڕەی کە پلانرێژی بۆ کودەتا شکستخواردەکەی ساڵی 2016کرد.

لە دەمی کودەتا شکست خواردەکەیەلە مانگی تەموزی ساڵی 2016 ئەوەی 250 کەسی تێدا کوژرا ، دەسەڵاتداران لە تورکیا هەڵمەتی بەردەوامی توندیان دژ بە لایەنگرانی فەتحوڵا گولەنی دانیشتوی ویلایەتە یەکگرتووەکانی ئەمەریکا ئەنجامداوە.

هەرچی گولەنیشە نکۆڵی لە تێوەگلانی خۆی لەو کودەتایەدا کردوە . گولن هاوپەیمانێکی پێشووی سەرۆک رەجەب تەیب ئەردۆغان بوو ، گولەن لە ساڵی 1999 وە بە خواستی خۆی لە ویلایەتی پەنسیلڤانیا دەژی.

ئۆفیسی داواکاری گشتی لە پارێزگای بالیکەیسەر لە رۆژئاوای تورکیا فەرمانی دەستگیرکردنی بۆ 74 کەس دەرکرد ، سەرجەمیان لە رابردوودا لە نێو هێزەکانی ئاسایشی لە تورکیا کاریان دەکرد و 6 یان بەرپرسی پێشوووی پۆلیس بوون .

هاوکات داواکارانی گشتی لە پارێزگای گازی ئەنتاب لە باشوری رۆژهەڵاتی تورکیا فەرمانی دەستبەسەرکردنی 33 کەسیان دەرکرد کە 24 یان هێزی ئاسایشین و لە ئێستادا لە کاردان. ئاژانسی هەواڵی ئەنەدۆڵو گوتیشی داواکارانی گشتی لە پارێزگای بورسە فرمانی دەستگیرکردنیان بۆ 42 کەس دەرکرد کە 6 یان لە ئێستادا لە خزمەتی سەربازیدان.

ئەوەی جێی ئاماژەیە وا بۆ 4 ساڵە سەرۆکی تورکیا رەجەب تەیب ئەردۆغان لایەنگرانی فەتحوڵا گولەنی تۆمەتبارکردووە بە دامەزراندنی دەوڵەتێکی هاوتەریب وەک دەڵێت لە رێگەی دزەکردنە نێو دەزگاکانی پۆلیس و دادوەری و سەربازی و هەروەها دامودەزگاکانی دیکەی دەوڵەت.وڵاتانانی رۆژئاوای هاوپەیمانانی تورکیا رەخنەیان گرتووە لە ئاستی سەرکوتکردنەکان لە تورکیا، هاوکات ئەنکەرە داکۆکی لەو رێکارانەکردوە و دەڵێت ئەوە رێوشوێنانە پێویستن بگیرێنەبەر بۆ وەڵامدانەوەی هەڕەشەکانی سەر ئاسایشی تورکیایە.

XS
SM
MD
LG