سەرۆکی ویلایەتە یەکگرتووەکانی ئەمەریکا پـرسە و سەرەخۆشی خۆی ئاڕاستەی خەڵکی نیوزیلاند کرد لە پاش ئەو هێرشە تێرۆرستیـیەی کرایە سەر دوو مزگەوتی ئەو وڵاتە و لە ئاکامدا بە لایەنی کەم 49 کەس کوژران.
سەرۆک ترامپ ئەمڕۆ هەینی لەسەر تویتەرەکەی نووسی" ماتەمینی قوڵی خۆم بۆ خەڵکی نیوزیلاند دەردەبڕم و هیوای ئەوپەڕی باشیتان بۆ دەخوازم لە پاش ئەو کۆمەڵکوژیـیەی لە مزگەوتەکاندا کران. 49 کەسی بێ گوناح بەبێ هۆ گیانیان لەدەست دا و لەگەڵیدا زۆرێکیش بە قورسی برینداربوون. ویلایەتە یەکگرتووەکانی ئەمەریکا لە پاڵ نیوزیلاند دەبێت بۆ هەموو شتێک لە تواناماندا بێت. یەزدان هەموو لایەک بپارێزیت."