تیلەرسن چاوی بە وەزیرانی دەرەوەی وڵاتانی ئاسیا دەکەوێت

وەزیری دەرەوەی ئەمەریکا ڕێکس تیلەرسن چاوی بە وەزیرانی دەرەوەی وڵاتانی باکووری ڕۆژهەڵاتی ئاسیا کەوت بۆ بەدەستهێنانی پشتیوانی ئەوان بۆ فشارخستنە سەر کۆریای باکوور بۆ ئەوەی واز لە بەرنامە ناوەکییەکەی بهێنێت.

ئەمە یەکەم کۆبوونەوەی تیلەرسنە لەگەڵ وەزیرانی وڵاتانی باکووری ڕۆژهەڵاتی ئاسیادا سەبارەت بە بابەتێکی هەرێمی.

تیلەرسن لە سەرەتای کۆبوونەوەکەدا کە لە واشنتن بەسترا بە ڕۆژنامەنووسانی وت لەگەڵ هاوتاکانیدا باس لە کێشەی کۆریای باکوور دەکەن.

شایەنی باسە هەموو وڵاتانی باکووری ڕۆژهەڵاتی ئاسیا پەیوەندیی سیاسییان هەیە لەگەڵ کۆریای باکووردا و پێنج وڵاتیان باڵێۆزخانەیان هەیە لەوێ.

سەرچاوە / ڕۆیتەرز