Accessibility links

تاڵیبان: لەگەڵ نوێنەری ئەمەریکا بۆ ئەفغانستان لە قەتەڕ وتوێژ دەکەین


نوێنەری تایبەتی ئەمەریکا بۆ ئەفغانستان زەڵمای خەلیلزاد

تاڵیبان وتی ڕۆژی دووشەممە لەگەڵ نوێنەری تایبەتی ئەمەریکا بۆ ئەفغانستان زەڵمای خەلیلزاددا لە قەتەڕ کۆبوونەتەوە، ئەمەش چەند ڕۆژێک دوای ئەوەی هەڕەشەی کشانەوەی کرد لە دانوستانەکانی ئاشتی ئەفغانستان و چەند کاتژمێرێکیش دوای کوشتنی زیاتر لە 100 ئەندامانی ئاسایشی ئەفغانستان.

وتەبێژی تاڵیبان زەبیحوڵا موجاهید لە بەیاننامەیەکدا ڕایگەیاند " دانوستانەکان لەنێوان ڕابەرانی تاڵیبان و بەرپرسانی ئەمەریکادا لە قەتەڕ دەستی پێکرد."

سەرچاوەیەکی نزیک لە دانوستانەکانەوە وتی ئەندامانی مەکتەبی سیاسیی تاڵیبان لەگەڵ خەلیلزادا لە دەوحە کۆدەبنەوە.

جێی ئاماژەیە تاڵیبان هەڕەشەی کشانەوەی کرد لە دانوستانەکانی ئاشتی و ڕەتی کردەوە حکومەتی ئەفغانستان بەشداری بکات لە دانوستانەکاندا و بە بوکەڵە ئەو حکومەتەی ناودێر کرد، ئەمەریکاش ڕازی نەبوو بەو بڕیارەی تاڵیبان و ئەوەش بووە هۆی سڕبوونی دانوستانەکانی نێوانیان.

هەروەها لە ماوەی ڕابردوودا لە ئەنجامی هێرشێکی تاڵیباندا لە هەرێمی مەیدان وەردەک لە ناوەڕاستی ئەفغانستان زیاتر لە 100 ئەندامی ئاسایشی ئەفغانستان کوژران.

سەرچاوە/ ڕۆیتەرز

XS
SM
MD
LG