Accessibility links

دیمەشق بڕیارەکەی ئەمەریکا سەبارەت بە گۆلان بە دەستدرێژی دەزانێت بۆ سەر سەروەری سوریا


وەزارەتی دەرەوەی سوریا لە بەیاننامەیەکدا ڕایگەیاند بڕیارەکەی ئەمەریکا بۆ دان پێدانان بە دەسەڵاتی ئیسڕائیلدا بۆ سەر بەرزاییەکانی گۆلان " دەستدرێژییەکی ڕوون و ئاشکرایە بۆ سەر سەروەری و یەکگرتوویی خاکی کۆماری سوریای عەرەبی."

سەرۆک ترامپ فەرمانێکی واژۆکرد کە تیایدا ئەمەریکا دان دەنێت بە دەسەڵاتی ئیسڕائیلدا بەسەر بەرزاییەکانی گۆلان کە لە جەنگی ساڵی 1967 دا ئیسڕائیل دەستی بەسەردا گرت.

وەزارەتی دەرەوەی سوریا لە بەیاننامەیەکدا ڕایگەیاند " ئازادکردنی گۆلان بە هەموو ئەو هۆکارانەی لەبەردەستدان و گەڕاندنەوەی بۆ نیشتیمانی دایک مافێکە و چاوپۆشی لێناکرێت."

وتیشی " بڕیارەکە وا لە ئەمەریکا دەکات دوژمنی سەرەکی عەرەب بێت."

هەروەها بەیاننامەکە ئاماژە بەوە دەکات " هیچ شتێک ناتوانێت ڕاستی مێژوو بگۆڕێت کە گۆلان سەر بە سوریا بووە و هەر واش دەمێنێتەوە."

سەرچاوە/ ڕۆیتەرز

XS
SM
MD
LG