Accessibility links

پاریس و لەندەن و بەرلین سەرکۆنەی " هەوڵی هێرشە ئاسمانیەکان دەکەن " بۆ سەر ڕیاز


لە بەیاننامەیەکی هاوبەشدا ئەڵمانیا و فەڕەنسا و بەڕیتانیا سەرکۆنەی " هەوڵی هێرشە ئاسمانیەکانی " ڕۆژی شەممەیان کرد بۆ سەر ڕیازی پایتەختی سعودیە.

لە بەیاننامە هاوبەشەکەیاندا هاتووە دەڵێت " بڵاوکردنەوەی موشەک و فڕۆکەی بێ فڕۆکەوان و بەکارهێنانیان ئاسایش و سەقامگیری ناوچەکە تێکدەدات کە بە توندی پابەندی بووین."

هەروەها وتیشیان " دووبارە جەخت لە پابەندبوونمان دەکەینەوە بە ئاسایش و پارێزراوی خاکی سعودیەوە."

ڕۆژی شەممە سعودیە ڕایگەیاند هێزەکانیان بەرپەرچی " هێرشێکی ئاسمانی پێچەوانەیان " داوەتەوە بەسەر ئاسمانی ڕیازدا. جێی ئاماژەیە ڕیاز بەشێوەیەکی ڕێکخراو ڕووبەڕووی هێرشە ئاسمانیەکانی حوسییەکانی یەمەن بۆتەوە.

تاوەکو ئێستا ئاشکرا نەبووە کێ بەرپرس بووە لەو هێرشە، لەکاتێکدا سعودیە لە بەیاننامەکەیدا هیچ لایەنێکی تۆمەتبار نەکردووە و حوسییەکانیش دەڵێن هیچ پەیوەندییان بەو هێرشەوە نەبووە.

سەرچاوە/ فرانس پرێس

XS
SM
MD
LG