بەرپرسێکی باڵای بەڕێوبەرایەتیەکەی سەرۆکی ئەمەریکا دانۆڵد ترامپ وتی سعودیە ڕازی بووە فڕۆکە بازرگانیەکانی ئیسڕائیل لەڕێیاندا بۆ ئیماڕات بە ئاسمانی وڵاتەکەدا تێپەڕن، ئەمەش دوای گفتوگۆکانی نێوان بەرپرسانی سعودی و ڕاوێژکاری کۆشکی سپی جارێد کوشنەر.
کوشنەر و نوێنەرانی ئەمەریکا بۆ ڕۆژهەڵاتی ناوەڕاست ئایڤی بێرکویتز و برایان هوک بە ماوەیەکی کورت دوای گەیشتنیان بۆ سعودیە پێشنیاری ئەو بابەتەیان کردووە، بەرپرسەکە بە ڕۆیتەرزی وت " توانیمان ئەو بابەتە چارەسەر بکەین."
بەیانی ڕۆژی سێشەممە یەکەمین گەشتی بازرگانی ئیسڕائیل بۆ ئیماڕات دەستی پێکرد و گەشتەکەش لەژێر مەترسی هەڵوەشاندنەوەدا بوو لە حاڵەتێکدا ئەگەر ڕێکەوتن نەکرێت بۆ بەکارهێنانی ئاسمانی سعودیە.
بەرپرسەکە وتی " ئەمە دەبێتە هۆی چارەسەرکردنی هەموو کێشەکانی کۆمپانیاکانی گەشتی ئیسڕائیل بۆ گواستنەوەی سەرنشینان لە ئیسڕائیلەوە بۆ ئیماڕات و بەحرەین و بەپێچەوانەشەوە."
سەرچاوە/ ڕۆیتەرز