Accessibility links

دادگای ڕوسیا فەرمان بە ڕاگرتنی چالاکییەکانی ڕێکخراوەکەی ناڤاڵنی دەکات


دادگای ڕوسیا فەرمانی بە ڕاگرتنی چالاکییەکانی ڕێکخراوەکەی ڕابەری ئۆپۆزسیۆنی ڕوسیا ئالێکسی ناڤاڵنی زیندانیکراو کرد.

بەڕێوبەری سندوقی بەرەنگاربوونەوەی گەندەڵی ئیڤان جیدانۆڤ وتی " چالاکییەکانی ئۆفیسەکانی ناڤاڵنی و سندوقی بەرەنگاربوونەوەی گەندەڵی ڕاگیراون."

وتیشی " بە ئاشکرا هاوار دەکەن: ئێمە لە چالاکییەکانتان دەترسین، ئێمە لە خۆپیشاندانەکانتان دەترسین، ئێمە لە ئامۆژگارییەکانتان بۆ دەنگدان دەترسین."

ئۆفیسی ناڤاڵنی لە مۆسکۆ لەڕێی کەناڵەکەیەوە لە تێلیگرام وتی " بەهۆی ئەم بڕیارەوە چیتر ناتوانین بەشێوازی پێشوو کاربکەین."

وتی " ئەمە بابەتێکی زۆر مەترسیدارە لەسەر کارمەند و لایەنگرەکانمان." ئاماژەشی بەوەدا لایەنگران و کارمەندەکانمان لەمەودوا بەشێوەی تاکەکەس بەردەوام دەبن لە بەرەنگاربوونەوەی گەندەڵییەکانی " حیزبەکەی سەرۆکی ڕوسیا ڤلادیمێر پوتن."

سەرچاوە/ فرانس پرێس

XS
SM
MD
LG