Accessibility links

کرێملن: ڕابەرانی ڕوسیا و تورکیا و ئێران بەمزووانە لە سوچی کۆدەبنەوە


سەرۆکی ڕوسیا ڤلادیمێر پوتن

دەزگای هەواڵی فەڕمی ڕوسیا لە زاری کرێملنەوە بڵاویکردەوە چواردەی مانگی دوو سەرۆکی ڕوسیا ڤلادیمێر پوتن لەگەڵ سەرۆکی تورکیا و سەرۆکی ئێراندا لە سوچی کۆدەبنەوە.

دەزگاکە هیچ وردەکارییەکی دیکەی نەدا بەڵام مانگی ڕابردوو پوتن وتی کۆبوونەوەیەکی لەم شێوەیە ئەنجام دەدات بۆ گفتوگۆکردن لەسەر ڕەوشی سوریا، ئەمەش لەکاتێکدا ڕوسیا و تورکیا هەوڵ دەدەن ناوچەیەکی ئارام لە سوریادا دابمەزرێنن.

هەر سێ وڵات ڕایانگەیاند دەیانەوێت بگەنە چارەسەرێکی سیاسی بۆ کۆتایی هێنان بە ململانێکانی سوریا. ڕوسیا و ئێران پشتیوانی لە سەرۆکی سوریا بەشار ئەسەد دەکەن لەکاتێکدا تورکیا و هاوپەیمانەکانی لە هاوپەیمانێتی ناتۆدا دەیانەوێت ئەسەد لەسەر دەسەڵات لاببەن.

سەرچاوە/ ڕۆیتەرز

XS
SM
MD
LG