پۆڵەندا دەڵێت ناوەندێکی چاککردنەوەی ئەو تانکانەی کە لە ئۆکرانیا لە کاتی شەڕەکەدا لەگەڵ ڕووسیا زیانیان بەرکەوتووە، لە شاری گلیڤیتسەی باشووری وڵاتەکەی دەستی بە کارەکانی کردووە.
پۆڵەندای یەکێک لە گەورەترین هاوپەیمانەکانی سەرۆکی ئۆکرانیا ڤلۆدیمێر زێلێنسکی لە دوای داگیرکارییەکەی ڕووسیاوە لە ئۆکرانیا، لەگەڵ ئەڵمانیادا گفتوگۆی کردووە بۆ دامەزراندنی ناوەندێکی کاری هاوبەش بۆ تانکەکانی لیۆپارد، بەڵام تاوەکو ئێستا هیچ هەڵوێستێکی هاوبەش لەو بارەیەوە ڕانەگەیەندراوە.
وەزیری بەرگری پۆڵەندا ماریوش بلاشتاک لە هەژماری تایبەتی خۆی لە تۆڕی کۆمەڵایەتی تویتەر نووسیویەتی " ناوەندی چاککردنەوە لە شاری گلیڤیتسە دەستی بە کارکردن کردووە! یەکەمین دوو لیۆپارد پێشتر لە ئۆکرانیاوە گەیشتوونەتە کارگەی بومار".
تاوەکو ئێستا ڕوون نەبووەتەوە کە ئایا ئەو ناوەندە دەستپێشخەری هاوبەشی پۆڵەندا و ئەڵمانیا بووە یاخود نا.
سەرچاوە / ڕۆیتەرز
پۆڵەندا دەڵێت ناوەندێک بۆ چاککردنەوەی تانکە زیانلێکەوتووەکانی ئۆکرانیا دەکرێتەوە
