Accessibility links

بەرپرسێکی پێنتاگۆن: ئاماژە هەن لەسەر بوونی ئەگەری دوژمنکاری لەلایەن ئێرانەوە


بەرپرسێکی باڵای وەزارەتی بەرگری ئەمەریکا وتی ئاماژە هەن لەسەر ئەگەری ئەوەی ئێران لە داهاتوودا کاری دوژمنکارییانە ئەنجام بدات، ئەمەش لەنێوەندی گرژییەکانی نێوان کۆماری ئیسلامی ئێران و ئەمەریکادا.

دوای هێرشەکانی سەر کەشتیە نەوت هەڵگرەکان لە کەنداو و هێرشێکی گەورە بۆ سەر دامەزراوە نەوتییەکانی سعودیە، گرژییەکانی نێوان ئەمەریکا و ئێران زیادیان کرد، واشنتن تاران تۆمەتبار دەکات بە تۆمەتی ئەنجامدانی ئەو هێرشانە، ئێرانیش ئەوە ڕەت دەکاتەوە.

سێیەمین گەورە بەرپرسی وەزارەتی بەرگری ئەمەریکا ( پێنتاگۆن ) جۆن ڕود بە ڕۆژنامەنووسانی وت " هێشتا هەندێک ئاماژە دەبینین، هۆکارەکان ڕوون و ئاشکران لەسەر ئەگەری ئەنجامدانی کردەوەیەکی دوژمنکارییانە لەلایەن ئێرانەوە."

وتیشی " ئاماژەی ڕوون و ئاشکرا و ڕاشکاوانەمان ناردووە بۆ حکومەتی ئێران سەبارەت بە دەرەنجامی ئەو کارە."

جێی ئاماژەیە ئەمەریکا هەزاران سەرباز و کەلوپەلی سەربازی دیکەی لە ڕۆژهەڵاتی ناوەڕاستدا بڵاوکردۆتەوە تاوەکو ببنە هۆکارێک بۆ بەرپەرچدانەوەی هەڵسوکەوتەکانی ئێران.

سەرچاوە/ ڕۆیتەرز

XS
SM
MD
LG