براک ئۆباما و میشێلی هاوسەری لە بەردەم دەروازەیەکی کۆشـکی سـپی پـێشوازیان لە دۆناڵد ترەمپ و مڵانیای هاوسەری کرد.
پاش تەوقەکردن و وەرگرتنی دیاری خانم مڵانیا ترەمپ لە لایەن خانم میشێل ئۆباماوە، پـێکەوە وێنەیان گرت و بەرەو ناو کۆشـکی سـپی ڕۆیشتن هەتا لەوێ بۆ ماوەیەکی کورت پـێکەوە دابنیشن، بەر لەوەی بەرەو کۆنگرێس بەڕێبکەون.
ویلایەتە یەکگرتووەکانی ئەمەریکا بە درێژایی 228 ساڵ لە دامەزراندنی، سەرۆک لە دوای سەرۆک بە شێوەیەکی ئاشتیـیانە دەسەڵاتیان وەرگرتووە. ئەمڕۆش دۆناڵد ترەمپ دەبێتە 45 هەمین سەرۆکی وڵاتەکە.
