Accessibility links

وەزیری ناخۆی فەڕەنسا: لێکۆڵینەوەکان سەبارەت بە هۆکاری سوتانی کڵێسای نۆتردام بەردەوامن


وەزیری ناوخۆی فەڕەنسا لۆران نونێز وتی هۆکاری سوتانی کڵێسای نۆتردام لە ناوەڕاستی پاریس هێشتا نەزانراوە و بەرپرسان بەردەوامن لە لێکۆڵینەوەکانیان تاوەکو بزانن ئاگرەکە چۆن هەڵگیرساوە.

نونێز لە کۆنگرەیەکی ڕۆژنامەوانیدا لەبەردەم کڵێساکەدا وتی " ئاگرەکە لەژێر کۆنتڕۆڵدایە بەڵام هەمووی بەتەواوەتی نەکوژێندراوەتەوە."

شەوی ڕابردوو کڵێسای نۆتردام لە پاریسی فەڕەنسا ئاگری گرت کە بە یەکێک لە بەناوبانگترین کڵێساکانی جیهان دادەنرێت و مێژووەکەی دەگەڕێتەوە بۆ سەدەکانی ناوەڕاست.

لەلای خۆشیەوە سەرۆکی فەڕەنسا ئیمانوێل ماکرۆن وتی فەڕەنسا هەڵمەتێک دەست پێدەکات بۆ دووبارە دروستکردنەوەی کڵێساکە.

ماکرۆن وتی " دووبارە دروستی دەکەینەوە. بێگومان بەشێک دەبێت لە چارەنووسی فەڕەنسا و پڕۆژەمان دەبێت لە ساڵەکانی داهاتوودا."

سەرچاوە/ ڕۆیتەرز

XS
SM
MD
LG