Accessibility links

نوێنەری نەتەوە یەکگرتووەکان هەوڵی گفتوگۆ دەدات لەگەڵ کۆریای باکووردا


لێکۆڵەری ڕێکخراوی مافەکانی مرۆڤی نەتەوە یەکگرتووەکان وتی کەمبوونەوەی گرژییە نێودەوڵەتییەکان لەگەڵ کۆریای باکووردا پێویستە ببێتە هۆی گفتوگۆکردن لەگەڵ پیۆنگیانگدا لەپێناو وەستاندنی پێشێلکارییەکان لەوانەش ئەشکەنجەدان و دەستگیرکردنە سیاسییەکان.

لێکۆڵەری مافەکانی مرۆڤی سەر بە نەتەوە یەکگرتووەکان تۆماس ئۆجیا کوینتانا داوای لە بەرپرسانی کۆریای باکوور کرد نۆ هاوڵاتی بیانی ئازاد بکەن و بابەتە هەڵبەستراوەکانی دیکە یەکلایی بکەنەوە لەوانەش ڕفاندنی دوو هاوڵاتیی کۆریای باشوور و دوو هاوڵاتیی دیکەی ژاپۆنی.

جێی ئاماژەیە ئۆجیا کوینتانا ڕێگەپێدراو نیە بچێتە کۆریای باکوور و ئەو ڕاپۆرتەی کە ئاڕاستەی ئەنجومەنی مافەکانی مرۆڤی کردووە بەشێوەیەکی سەرەکی بەندە بەو چاوپێکەوتنانەوە کە لەگەڵ هاوڵاتیانی کۆریای باکووردا ئەنجامیداوە کە لە کۆریای باشوور و ژاپۆن دەژین.

وەکو وەڵامدانەوەیەک بۆ ئەو ڕاپۆرتە، سیاسەتمەدارێکی کۆریای باکوور وتی " ئەو بەڵگەنامەیە بە مردوویی لە دایک بووە."

ئۆجییا کوینتانا وتی " زانیارییەکان ڕوونی دەکەنەوە کە پێشێلکارییەکان بەردەوامن بەشێوەیەکی خراپتر لە میانەی گرژییە سیاسییەکان و لێدوانەکاندا سەبارەت بە بەرنامە ناوەکیی و موشەکییەکەی کۆریای باکووردا."

سەرچاوە/ ڕۆیتەرز

XS
SM
MD
LG