Accessibility links

پـۆلیس: پـێدەچێت تەقینەوەکەی شاری ناشڤیلی ویلایەتی تێنسی بە مەبەست ئەنجام درابێت


پـۆلیسی شاری ناشڤیل دەڵێت ئەو تەقینەوەکەی بەیانی ئەمڕۆ هەینی لە ناوەڕاستی شارەکە ڕووی دا، پـێدەچێت بە مەبەست ئەنجام درابێت.

پـۆلیس لەسەر تویتەرەکەی نووسیویەتی"پـۆلیسی ناشڤیل و دەزگای لێکۆڵینەوەی فیدراڵی FBI و دەزگای چەک و تەقەمەنی ATF لێکۆڵینەوە دەکەن لەو تەقینەوەیەی کاتژمێر 6:30 ی بەیانی لە جادەی 2 بە ئۆتۆمبیلێک ڕووی دا، کە پـێدەچێت بە مەبەست ئەنجام درابێت. لەگەڵ بەردەوامبوونی لێکۆڵینەوەکان، دەسەڵاتداران جادەکانی ناوەڕاستی شار دادەخن."

لە لایەکی دیکە بەڕێوەبەرایەتی هاتوچۆی گشتی شارەکە ڕایگەیاند لە کاتژمێر 11 ی بەیانی ئەمڕۆوە هاتوچۆی پاسەکانی شارەکەی ڕادەگرێت، ئەمەش لەسەر بڕیاری دەسەڵاتداران بۆ پاراستنی خەڵکی. بڕیارە سبەی هاتوچۆی پاسەکان ئاسایی بکرێنەوە.

دەزگای ئاگرکوژێنەوەی شارەکە وێنە و ڤیدیۆی شوێنی تەقینەوەکەی بڵاوکردووەتەوە و دەڵێت ژمارەیەک دەزگا لە ناوچەکە کاردەکەن و لێکۆڵینەوەی خۆیان دەکەن.

بەپـێی ڕاپـۆرتەکان زیانێکی ماددی زۆر بەر ناوچەکە کەوتووە و بە لایەنی کەم 3 کەس بە سووکی برینداربوون و 2 ئۆتۆمبیل سووتاون.

XS
SM
MD
LG