دەزگای هەواڵی ئاڕ ئای ئەی لە زاری وەزیری دەرەوەی ڕووسیا سێرگێی لاڤرۆڤەوە بڵاویکردەوە " ئازادکردنی " هەرێمی دۆنباسی ئۆکرانیا " ئەرکی سەرەکی بێمەرجی مۆسکۆیە، هاوکات ناوچەکانی دیکەی ئۆکرانیا دەبێت خۆیان بڕیار لەسەر داهاتووی خۆیان بدەن.
بەپێی دەزگای هەواڵی ئاڕ ئای ئەی، لاڤرۆڤ لە چاوپێکەوتنێکدا لەگەڵ کەناڵی فرەنچ تی ڤی و تی ئێف ئایدا دەڵێت " ئازادکردنی هەرێمەکانی دۆنێتسک و لوهانسک، کە لەلایەن فیدراسیۆنی ڕووسیاوە وەکو دوو وڵاتی سەربەخۆ ناسێندراون، ئەرکی سەرەکی بێمەرجی ڕووسیایە."
وتیشی " سەبارەت بە ناوچەکانی دیکەی ئۆکرانیا، لەو ناوچانەدا دەبێت خەڵکەکە خۆیان بڕیار لەسەر داهاتووی خۆیان بدەن."
سەرچاوە/ ڕۆیتەرز
لاڤرۆڤ: دۆنباسی ئۆکرانیا ئەرکی سەرەکی بێمەرجی ڕووسیایە
